ଖାଦ୍ୟ ଅପେକ୍ଷାରେ ଖାଦକ ( ହୃଦୟକୁ ଥରାଇ ଦେଲାପରି ଫଟୋ)

ଖାଦ୍ୟ ଅପେକ୍ଷାରେ ଖାଦକ ( ହୃଦୟକୁ ଥରାଇ ଦେଲାପରି ଫଟୋ)


ଦୁଇ ଶାଗୁଣା ଏକ ନିଷ୍ପାପ ଶିଶୁ

୧୯୯୩ ମସିହା କଥା।ସୁଦାନ ରେ ଅକାଳ ପଡିଲା।ଚାରିଆଡେ ହାହା କାର ପଡିଗଲା।ଏଇ ସମୟରେ ଗୋଟିଏ ଫଟୋ ଚିତ୍ର ସାରା ବିଶ୍ୱ ରେ ଚହଳ ପକାଇଥିଲା।ଯାହାର ନାମ ଥିଲା,The vulture and the little girl....ଏହି ଚିତ୍ରର ଫଟୋଗ୍ରାଫର କେବିନ କାର୍ଟର ତାଙ୍କର ଏହି ଫଟୋ ଟି ପାଇଁ ଯୁକ୍ତ ରାଷ୍ଟ୍ର ତରଫରୁ ପୁଲିଞ୍ଜର ପୁରସ୍କାର ରେ ମଧ୍ୟ ସମ୍ମାନିତ ହେଲେ। ପୁଲିଞ୍ଜର ପୁରସ୍କାର ଯୁକ୍ତ ରାଷ୍ଟ୍ର ତରଫରୁ ପତ୍ରକାରିତା, ସାମ୍ବାଦିକତା,ସଙ୍ଗୀତ ଓ ସାହିତ୍ୟ ପାଇଁ ପ୍ରଦାନ କରାଯାଏ।
        ଏହି ସମ୍ମାନ ର ଆନନ୍ଦ କୁ କାର୍ଟର ବେଶି ଦିନ ଅନୁଭବ କରିପାରିନଥିଲେ।ଏହି ସମ୍ମାନ ପାଇବାର ମାତ୍ର କେତେମାସ ପରେ ମାତ୍ର ୩୩ ବର୍ଷ ବୟସରେ ସେ ମୃତ୍ୟୁ ବରଣ କରିଥିଲେ।
        ତାଙ୍କ ର ମୃତ୍ୟୁ ଏକ ସାଧାରଣ ମୃତ୍ୟୁ ନଥିଲା।ଗଭୀର ମାନସିକ ପୀଡା ଯୋଗୁ ତାଙ୍କର ମୃତ୍ୟୁ ହୋଇଥିଲା।
        ଫଟୋ ଟିରେ ଗୋଟିଏ ମରଣୋନ୍ମୁଖୀ ଶିଶୁ ର ମୃତ୍ୟୁ କୁ ଅପେକ୍ଷା କରିଛି ଶାଗୁଣା ଟିଏ।ଅଳ୍ପ ସମୟ ପରେ ତାର ଖାଦ୍ୟ ହେବ ସେ ଶିଶୁ।ଏହି ଫଟୋ ଓ ଫଟୋଗ୍ରାଫର ଙ୍କ ଚର୍ଚ୍ଚା ରେ ସାରା ବିଶ୍ୱ ବ୍ୟସ୍ତ ଥିବା ବେଳେ ଦିନେ କାର୍ଟର ଙ୍କ ପାଖକୁ ଆସିଲା ଏକ ଫୋନ କଲ।ଫୋନ କରୁଥିବା ବ୍ୟକ୍ତି କାର୍ଟର ଙ୍କୁ ପଚାରିଲେ,ଆପଣ ଫଟୋ ଉଠେଇସାରିବା ପରେ କଣ କଲେ?
କାର୍ଟର ପହିଲେ,ମୋର ଫ୍ଲାଇଟ ରେ ଯିବାର ଥିଲା,ତେଣୁ ମୁଁ ଚାଲି ଆସିଲି।
ବ୍ୟକ୍ତି ପଚାରିଲେ,ତା ପରେ ସେ ପିଲାଟି ର କଣ ହେଲା?
କ୍ୱାର୍ଟର କହିଲେ,ମୁଁ ଜାଣେନା।
ବ୍ୟକ୍ତି ଜଣକ ଦୁଃଖ ଓ ବିରକ୍ତିରେ କହିଲେ,ତେବେ ସେଦିନ ସେଠି ଦୁଇଟି ଶାଗୁଣା ଥିଲେ।ଗୋଟେ ପିଲା ଟିକୁ ଖାଇବାକୁ ଅପେକ୍ଷା କରିଥିବା ବେଳେ ଅନ୍ୟ ଟି ହାତରେ କ୍ୟାମେରା ଥିଲା।
        ଏହି ଘଟଣା ପରେ କାର୍ଟର ଖୁବ ମାନସିକ ଯନ୍ତ୍ରଣା ଭୋଗିଲେ ଓ କିଛି ଦିନ ପରେ ମୃତ୍ୟୁ ବରଣ କଲେ।
         ଯଦି କାର୍ଟର ପିଲାଟିକୁ ଆଣି କୌଣସି ଶିଶୁ ସୁରକ୍ଷା କେନ୍ଦ୍ର ରେ ଦେଇ ତାର ଚିକିତ୍ସା ର ବ୍ୟବସ୍ଥା କରିଥାନ୍ତେ ହୁଏତ ଦୁଇଟି ଜୀବନ ବଞ୍ଚିପାରିଥାନ୍ତା!!ନୁହେଁକି?
            ଏମିତି କିଛି ଫଟୋ ସୋସିଆଲ ମେଡିଆରେ ଛାଡି ନିଜେ ନିଜର ଢୋଲ ପିଟିବା ଅପେକ୍ଷା କ୍ୟାମେରା ଠାରୁ ଦୂରରେ ରହି ଯଥା ସମ୍ଭବ ସାହାଯ୍ୟ ଓ ସହାନୁଭୂତି ଜଣେଇବା ର ମାନବିକତା ଠାରୁ ଆଉ କିଛି ବଡ଼ ନୁଁହ।ଏଇ କଥା ଟି ହିଁ ଏ ଘଟଣା ରୁ ଆମକୁ ଶିଖିବାର ଅଛି।